வண்ணமயமான புகைப்படங்களை உருவாக்கிக் கொள்ள

                இன்றைய காலகட்டத்தில் பல்வேறு நிகழ்வுகளின் போதும் ஞாபகார்த்தமாக பிடிக்கப்படும் புகைப்படங்களை எல்லோரும் தமக்கு பிடித்த வண்ணங்களில் மாற்றி வடிவமைத்துக் கொள்ள விரும்புவார்கள். 
        இதற்காக அதிகளவில் கணணி மென்பொருட்களே பயன்படுத்தப்பட்டு வருகின்றது. இவ்வாறு புகைப்படங்களை வடிவமைக்க பிரபல்யமான எத்தனை மென்பொருட்கள் காணப்பட்டாலும் நாளுக்கு நாள் புதிய பல வசதிகளுடன் வெவ்வேறு மென்பொருட்கள் அறிமுகப்படுத்தப்பட்டுக் கொண்டு தான் இருக்கின்றன.                            
         அந்தவகையில் தற்போது பல்வேறு வசதிகளுடன் piZap எனும் புதிய புகைப்பட வடிவமைப்பு கருவி அறிமுகப்படுத்தப்பட்டுள்ளது. இக்கருவியை ஓன்லைனில் வைத்தும் நாம் புகைப்படங்களை வடிவமைக்க முடிவதுடன், மென்பொருளாக தரவிறக்கம் செய்து கணணில் நிறுவியும் கொள்ளலாம்.
           இதன் மூலம் வண்ணமயமான புகைப்படங்களை உருவாக்கிக் கொள்ள முடியும். இதன் மூலம் படங்களை ஒன்றிணைத்தல், பின்னணிகளை மாற்றியமைத்தல், மேலதிக ஒப்பனை செய்தல் போன்ற மாற்றங்களை ஏற்படுத்திக் கொள்ள முடியும்.
 இணையதள முகவரி
             Download Link

                   

முகம் தெரியாதவர்​களுடனான ஓன்லைன் சட்டிங்

                          நவீன காலத்தில் ஓன்லைன் வீடியோ சட்டிங் என்பது மிகவும் முக்கியத்துவம் வாய்ந்ததாகவும், பிரபல்யமானதாகவும் காணப்படுகின்றது. இதுவரை காலமும் உங்கள் நண்பர்களுடன் பேஸ்புக்கிலும், ஸ்கைப் போன்றவற்றிலும் வீடியோ சட்டிங் செய்து சலிப்பு ஏற்பட்டிருக்கும். எனவே அறிமுகம் இல்லாத புதிய நபர்களுடன் வீடியோ சட்டிங் செய்ய விரும்புவீர்கள். அதற்கான வசதியை சில இணையத்தளங்கள் தருகின்றன. அவற்றில் ஒன்றைப் பற்றி இங்கு பார்ப்போம். Truefriendschat தமிழ் உள்ளங்களை இணைக்கும் ஒரு ஊடகமாக விளங்குகிறது. 2009ல் உருவாக்கப்பட்ட தளமாகும். இத்தளத்தை பயன்படுத்துவதற்கு வயது வரையறைகள் இல்லை. ஏனைய தளங்களை விட இங்கு அதிகளவு வசதிகள் காணப்படுகின்றன. அதாவது சட் செய்வதை தவிர ஓன்லைன் கேம், Mp3 பாடல்களை கேட்டல், youtube வீடியோக்களை பார்க்க கூடியவாறு இருத்தல் போன்ற வசதிகள் காணப்படுகின்றன. இங்கு சட் செய்யும் போது எந்தவிதமான பதிவுகளும் மேற்கொள்ள வேண்டிய அவசியம் இல்லை. விரும்பினால் இலவசமாக பதிவினை மேற்க்கொள்ளலாம் இத்தளத்தின் முகவரி : http://truefriendschat.com/


 

Label and Star: ஜிமெயிலின் புதிய வசதி

உலகம் முழுவதும் பெரும்பாலான நபர்களால் பயன்படுத்தப்படும் மின்னஞ்சல் ஜிமெயில் ஆகும்.

எனவே ஜிமெயில் தனது பயனாளர்களுக்கு புதுப்புது வசதிகளை அறிமுகப்படுத்திக் கொண்டே உள்ளது. தற்போது ஜிமெயிலில் ஏதாவது ஒரு மின்னஞ்சலை அனுப்புவதற்கு முன் அந்த மின்னஞ்சலுக்கு label மற்றும் star பொருத்தி கொள்ளலாம்.

இந்த புதிய வசதியினால் எத்தனை நாள் கழித்து நீங்கள் மின்னஞ்சலை பார்த்தாலும் எளிதாக அடையாளம் கண்டு கொள்ளலாம்.

இதற்கு முதலில் ஜிமெயிலின் Compose பகுதிக்கு செல்லுங்கள்.

அங்கு உங்களுடைய செய்தியை டைப் செய்து விட்டு அனுப்ப வேண்டிய மின்னஞ்சல் முகவரிகளை கொடுத்து விடவும்.

அங்கு labels என்ற புதிய பட்டன் ஒன்று இருக்கும், அதில் உங்களுக்கு விருப்பமான label தெரிவு செய்து கொள்ளுங்கள் அல்லது புதிதாகவும் label உருவாக்கில் கொண்டு தெரிவு செய்து கொள்ளுங்கள்.

அதன் பின்னர் Send பட்டனை அழுத்தி உங்கள் மின்னஞ்சலை அனுப்பி விடுங்கள்.

இனி அந்த மின்னஞ்சலுக்கு பதில் வந்தால் குறிப்பிட்ட லேபிளில் பார்த்தவுடன் சுலபமாக தெரிந்து கொள்ளலாம்.

சிறிய வசதி என்றாலும் ஒரே நாளில் நூற்றுக்கும் மேலான மின்னஞ்சல்களை Receive செய்பவர்களுக்கு இந்த வசதி மிக மிக பயனுள்ள வசதி.

தரவுகளை இழக்காது FAT32 கோப்புக்களி​லுருந்து NTFSற்கு மாற்றுவதற்​கு

கணினிகளைப் பயன்படுத்தும்போது அதில் பயன்படுத்தப்படும் கோப்புவகைகளைப்பற்றி அறிந்திருப்பது அவசியமாகும். இங்கு floppy disks, hard disk, optical disk போன்றவற்றில் தரவுகள் சேமிக்கப்படும்.

எனினும் விண்டோஸ் இயங்குதளத்தை பயன்படுத்தி இத்தரவுகள் சேமிக்கப்படும்போது பொதுவாக FAT32, NTFS போன்ற இரண்டுவகையான கோப்பு வகைகள் காணப்படுகின்றன.

எனவே தேவைக்கு ஏற்ப FAT32 கோப்புக்களிலுருந்து NTFS ற்கு மாற்றம் செய்துகொள்ள முடியும். இதன்போது சில சந்தர்ப்பங்களில் தரவுகளை இழக்கவேண்டிய நிலையும் ஏற்படலாம். எனவே தரவு இழப்பை தவிர்த்து FAT32 கோப்புக்களிலுருந்து NTFS ற்கு மாற்றுவதற்கு கீழ்வரும் முறைகளை பின்பற்றுக.

1. முதலில் மாற்றவேண்டிய கோப்புக்கள் உள்ள வன்றட்டின் பெயரை குறித்துக்கொள்க.
2. படத்தில் காட்டியவாறு CMD ஐ Run As Administratorல் செயற்படுத்தவும்.
3.தற்போது ஏதாவது கோளாறுகள் உள்ளனவா என “chkdsk G: /f “ கட்டளையை பயன்படுத்தவும்.(இங்கு G என்பது வன்றட்டின் பகுதியாகும்
4.தொடர்ந்து “Convert G: /FS:NTFS”எனும் கட்டளையை செயற்படுத்துக.
5.கோப்புக்ள் முற்றாக மாற்றப்பட்டதும் command promptல் Conversion Complete என்றவாறு தோன்றும். இதிலிருந்து உங்கள் கோப்புக்கள் FAT32 இலிருந்து NTFS ற்கு மாற்றப்பட்டுவிட்டது.

Sony நிறுவனத்தி​ன் Xperia sola துல்லியமான தொடுதிரை வசதிகொண்ட போன்கள்

இலத்திரனியல் பொருட்களை உற்பத்திசெய்து உலக மக்களின் நம்பிக்கையை வென்ற சொனி நிறுவனமாது Sony Xperia sola என்ற புதிய தொடுதிரை வசதிகொண்ட ஸமார்ட் போன்களை உற்பத்திசெய்துள்ளது.

இக் கைபேசியின் தொடுதிரையானது மிகத்துல்லியமான உணர்திறன் உடையது. அதாவது சாதாரண விரல்களைப்பயன்படுத்தி தொடுதிரையை இயக்குவது போன்று கையுறைகளை அணிந்து கொண்டும் மிக எளிதாக கையாளலாம்.

அடுத்த மாதத்திற்கு முன்னர் அறிமுகப்படுத்தப்படவுள்ள இந்த கைபேசி 2G,3G வசதியை கொண்டிருப்பதுடன் 5 மெகாபிக்சல் கமெரா, 8GBஉள்ளக நினைவகத்தையும், 512MB பிரதான நினைவகத்தையும் கொண்டுள்ளது.

இவற்றுடன் Wi-Fi 802.11 b/g/n, DLNA, Wi-Fi hotspot ஆகிய வசதிகளை உள்ளடக்கியதாக காணப்படுகின்றது. இவை Android OS, v2.3 இயங்குதளத்தை கொண்டதாக வடிவமைக்கப்பட்டுள்ளமை குறிப்பிடத்தக்கது.

இணையத்தளம் ஒன்றை குறிப்பிட்​ட நேரம் முடக்கிவைப்​பதற்கு

மாபெரும் தகவல் களஞ்சியமாக விளங்கும் இணையமானது பல்வேறு வழிகளில் நன்மை பயக்குகின்றபோதும் சில சந்தர்ப்பங்களில் பாதகமான விளைவுகளையும் ஏற்படுத்துவதுண்டு.

இதனால் அவ்வாறான இணையத்தளங்களை நாம் நிரந்தரமாக எமது கணினியில் முடக்குவதற்கு வசதி உண்டு. அதேபோல சில இணையத்தளங்களை குறிப்பிட்ட நேரத்திற்கு மட்டும் முடக்கவேண்டிய சந்தர்ப்பங்களும் ஏற்படலாம்.

அதற்கு FocalFilter என்ற மென்பொருள் பெரிதும் பயனுள்ளதாக காணப்படுகின்றது. இந்த மென்பொருளை நிறுவி உங்கள் கணினியில் நிறுவி கீழ்வரும் படிமுறைகளை பின்பற்றுவதன் மூலம் நீங்கள் விரும்பிய இணையத்தளங்களை குறிப்பிட்ட நேரத்திற்கு முடக்க முடியும்.

இங்குள்ள இணைப்பிற்கு (http://www.focalfilter.com/) சென்று FocalFilter மென்பொருளை தரவிறக்கி உங்கள் கணினியில் நிறுவிக்கொள்க. இந்த மென்பொருள் இயங்குவதற்கு Microsoft’s .NET Framework கணினியில் நிறுவப்பட்டிருத்தல் அவசியமாகும்.

1. FocalFilterஐ செயற்படுத்தி அதில் காணப்படும் Edit my Site List என்பதை அழுத்தவும்.
2.அதன்பின் தோன்றும் விண்டோவில் முடக்குவதற்கு விரும்பும் இணையத்தளங்களின் முகரிகளை கொடுத்து Save செய்யவும்.
3.பின்னர் தோன்றும் விண்டோவில் Block for என்பதற்கு அருகில் காணப்படும் பொப்பப் மெனுவை அழுத்தி நேரத்தை தெரிவு செய்து Block my Site List என்பதை அழுத்தவும்.

புளுடூத் 4 தொழில்நுட்பம் குறித்த தகவல்கள்

வயர் இணைப்பு எதுவும் இன்றி இணைப்பைத் தரும் புளுடூத் தொழில்நுட்பம்(Bluetooth Technology) எவ்வாறு செயல்படுகிறது? என்ற கேள்வி நம்மில் பலருக்கு எழலாம்.

புளுடூத் முதலில் நமக்கு அறிமுகமான போது, தகவல்கள் பரிமாற்றத்திற்கு மிக அருமையான வசதியாக இருந்தது. இருப்பினும் பல்வேறு பிரச்னைகளை சந்திக்க நேர்ந்தது.

தகவல் பரிமாற்றத்திற்கான சாதனங்களை இணைப்பதில் சிக்கல், கடவுச்சொல் அமைத்து இயக்குவதில் பிரச்னை, திடீரென தகவல் இணைப்பு அறுந்து போதல் மற்றும் பிற உடனடியாகத் தீர்க்க இயலாத சிக்கல்களும் இருந்தன. இவை அனைத்தும் புளுடூத் 4 தொழில்நுட்பம் தீர்த்து விடும் என்று எதிர்பார்க்கப்படுகிறது.

புளுடூத் 2ஐக் காட்டிலும் பதிப்பு 3, சற்றுக் கூடுதல் வேகத்தில் தகவல்களினைக் கடத்தியது. பதிப்பு 2.1 ன் வேகம் 2Mbps ஆக இருந்தது. பதிப்பு 3ன் வேகம் 26Mbps ஆக உள்ளது. இது வீடியோ ஸ்ட்ரீமிங் போன்ற பணிகளுக்கு மிகவும் உதவியது.

புளுடூத் 4 இவற்றைக் காட்டிலும் கூடுதல் திறன் கொண்டதாக இருக்கும். ஐந்திலிருந்து பத்து மடங்கு வேகக் கூடுதல் இருக்கும். அதிக நாட்கள் மின்திறன் தரும் பற்றரியுடன் இயங்கும் திறன் கொண்டதாக இருக்கும். இதனால் ட்ரெட்மில் போன்ற தனி நபர் உடல் நலன் கணக்கிடும் சாதனங்களில் இதன் செயல்பாடு நமக்கு மிக மிக உதவியாக இருக்கும்.

இதற்கு அடுத்ததாக என்.எப்.சி எனப்படும் அண்மைக்கள தகவல் பரிமாற்றம்(Near Field Communication) திறன் கொண்ட சிப்களின் செயல்பாட்டிற்கு இந்த புளுடூத் பதிப்பு 4 மிகவும் பயன்படும். புளுடூத் 4 இந்த தொழில்நுட்பம் கொண்ட போன்களுடன் எளிதில் தகவல்களைப் பரிமாறிக் கொள்ள முடியும்.

மடிக்கணணி, கைபேசி மற்றும் Router போன்ற சாதனங்களின் இணைப்பு, புளுடூத் பதிப்பு 4 மூலம் அதிகத் திறன் கொண்டதாக அமையும்.

இந்த தொழில் நுட்பத்திற்கேற்ப வடிவமைக்கப்படும் சாதனங்கள் அனைத்தும், புளுடூத் பதிப்பு 2 மற்றும் 3 ஆகியவற்றையும் கையாளும். புளுடூத் 4 ஏற்கனவே Motorola_Droid_ Razr_Maxx ஆகிய மொபைல் போன்களில் இணைக்கப்பட்டுள்ளது.

இந்த புதிய தொழில் நுட்பத்திற்கு Bluetooth Smart Ready எனப் பெயரிடப்பட்டுள்ளது. இதுகுறித்த மேலதிக தகவல்களை இந்த தளத்தின் மூலம் அறிந்து கொள்ளலாம்.

Bluetooth Smart Ready

சொனி நிறுவனம் அறிமுகப்படு​த்தியுள்ள புதிய voice recorder

குரல்களை பதிவு செய்வதற்கென பல வகையான voice recorderகள் பாவனையில் உள்ள போதும் சொனி நிறுவனமாது மெலிதான தோற்றமும் அதிகூடிய வினைத்திறனும் கொண்ட voice recorderகளை அறிமுகப்படுத்தியுள்ளது.

ICD-TX50 என்ற வியாபார பெயரைக் கொண்டுள்ள இந்த புதிய voice recorderகள் வெறும் 50 கிராம் நிறையை மட்டுமே உடையதாகவும், 6.4 மில்லி மீட்டர்கள் தடிப்புடையதாகவும் அமைக்கப்பட்டுள்ளன. அத்துடன் 4GB நினைவகத்தை கொண்டுள்ளது.

மேலும் 16 bit, 44.1 kHz அதிர்வெண்ணிலும் இறுவட்டிற்குரிய தரத்தில் தொடர்ச்சியாக 6 மணித்தியாலங்கள் பதிவு செய்ய முடியும்.

இது தவிர சாதாரணமாக  MP3 தரத்தில் 44 மணித்தியாலங்கள் தொடக்கம் 178 மணித்தியாலங்கள் வரை பதிவு செய்ய முடியும். 149.99 அமெரிக்க டொலர்கள் பெறுமதியுள்ள இக்கருவியில் பயன்படுத்தப்படும் மின்கலமானது மிகச்சிறந்த பாவனையை உடையதாவும் 3 நிமிடங்கள் சார்ச் செய்யும் போது ஒரு மணித்தியாலங்கள்வரை பதிவு செய்யும் அளவிற்கு நீடித்து உழைக்கவல்லன.

தேவைக்கு ஏற்ப ரீசைக்கிள் பின்னின் அளவினை மாற்றுவதற்கு

நமது கணணியில் உள்ள டிரைவின் அளவிற்கு ஏற்ப நாம் ரீசைக்கிள் பின்னை அமைத்துக் கொள்ளலாம்.

இதனை தெரிவு செய்ய ரீ-சைக்கிள் பின்னை ரைட் கிளிக் செய்து Properties தெரிவு செய்து கொள்ளுங்கள். உங்களுக்கு ஓபன் ஆகும் விண்டோவில் Global தெரிவு செய்யவும்.

எல்லா டிரைவ்விற்கும் ஒரே அளவிளான ரீ -சைக்கிள் பின் வைக்க வேண்டும் என்றால் Use one settings for all drives எதிரில் உள்ள ரேடியோ பட்டனை தெரிவு செய்யுங்கள். உங்களுக்கு தேவையான டிரைவிற்கு ஏற்ப அளவினை தெரிவு செய்ய Configuare drives independently எதிரில் உள்ள ரேடியோ பட்டனை கிளிக் செய்யுங்கள்.

பின் ஓபன் ஆகும் விண்டோவில் உங்களது கணணியில் உள்ள டிரைவ்கள் இருக்கும். தேவையான டிரைவ்வை தெரிவு செய்து தேவையான அளவினை ஸ்லைடர் மூலம் நிர்ணயிக்கலாம்.

இறுதியாக Apply செய்து Ok கொடுக்கவும். நாம் பொதுவாக ரீ-சைக்கிள் பின் அனைத்து டிரைவ்விற்கும் சேர்த்து ஒன்றாக இருக்கும் என நினைத்துக் கொண்டிருப்போம். ஆனால் அதிலும் ஒவ்வொரு டிரைவ்விற்கு ஏற்ப அளவினை நாமே அமைத்துக் கொள்ளலாம்.

2012ல் உலகில் என்ன நடக்கும் என்பதை அறிவியல் ரீதியாக கூறும் இணையம்

 2012ம் ஆண்டு அறிவியல் ரீதியாக உலகில் என்ன நடக்கும் என்பதை தெரிந்து கொள்ளும் ஆர்வம் நம்மில் அனைவருக்கும் இருக்கும்.

பல இடங்களில் குறிப்பாக மாயன் காலண்டர் கணிப்புபடி 2012 டிசம்பர் 12ல் உலகத்திற்கு பாதிப்பு வரலாம் என்ற செய்தியும் வெகுவேகமாக மகக்ளிடையை பரவிவருகிறது. இதைப்பற்றிய அறிவியல் ரீதியான விளக்கத்தை அளிப்பதற்காக ஒரு தளம் உள்ளது.

மாயன் காலண்டர்-ஐ பொருத்தவரை இது அதில் கூறி உள்ள அனைத்தும் நடந்து இருக்கிறது, 2012-ல் உலகம் அழியும் என்பது மாயன் காலண்டரில் உள்ள தகவல் என்று பல பேர் கூறிவருகின்றனர்.

அதற்கு பின் மாயன் காலண்டரில் எந்த தகவலும் இல்லை. அறிவியல் ரீதியாகவும் பூமிக்கு ஆபத்து இருக்கிறது என்று பல பேர் கூறிக் கொண்டிருக்கும் நிலையில் உண்மையான தகவல்களை அறிவியல் ரீதியாக சொல்ல ஒரு தளம் உள்ளது.

2012ஐ மக்கள், விஞ்ஞானிகள் எப்படி எல்லாம் கணித்திருக்கின்றனர் என்பதை ஒவ்வொருவரும் தங்களுக்கு தெரிய வரும் அல்லது தெரிந்த தகவல்களை இத்தளத்தில் பகிர்ந்து கொள்ளலாம்.

பூமியின் வயது என்ன என்பதில் தொடங்கி மாயன் காலண்டர் வரை அனைத்தையும் விரிவாகவும் அறிவியல் ரீதியாகவும் விளக்குகிறது. மாயன் காலண்டர் கூறி உள்ளது எல்லாம் சித்திரம் மற்றும் சில விநோத கூறியீடுகள். சில சமயங்களில் அதிகாரப்பூர்வமாக மாயன் காலண்டரில் இப்படி தான் இருக்கிறது என்று யாரும் துல்லியமாக கூறியதில்லை.

ஆனால் ஒரு நிகழ்ச்சி நடந்தவுடன் அதை மாயன் காலண்டருடன் ஓப்பிடு செய்து ஏற்கனவே இது மாயனில் சொல்லி இருக்கிறது என்பதை தெரிவிக்கின்றனர். சில நிகழ்ச்சிகள் மாயன் காலண்டரில் உள்ளதை பார்க்கும் போது உண்மையான நிகழ்ச்சி தான் என்பதை மறுக்க முடியாத அளவிற்கு ஆதாரமும் உள்ளது.

இதைத்தவிர வானவியல் சம்பந்தமான பிரச்சினைகள் 2012ல் என்னவெல்லாம் இருக்கிறது என்பதை தெளிவாக அனைவரும் புரிந்து கொள்ளும் வண்ணம் விளக்கப்பட்டுள்ளது. கண்டிப்பாக 2012ல் என்னவெல்லாம் நடக்கலாம் என்று கணிப்பவர்களுக்கு இந்தத்தளம் பதிலாக இருக்கும்.

இணையதள முகவரி

இணையம் மூலம் நட்பு வளர்ப்பதற்கு

இணையத்தில் ஓன்லைனில் இலவசமாக வரைவதற்கான இடம், தூரிகை, வண்ணங்கள் இன்னும் பிறவற்றை இந்த தளம் வழங்குகிற‌து.

வரைவதற்கான ஒரு பலகையோடு இணைந்த மூன்றே கட்டங்களில் இந்த வசதியை மிக அழகாக இந்த தளம் அளிக்கிறது.

இடது பக்கத்தில் உள்ள இந்த கட்டங்களில் நடுவில் உள்ள கட்டத்தை கிளிக் செய்தால் வரைவதற்கான இணைய‌ தூரிகை அல்லது பேனா வந்து நிற்கிறது. நமக்கு தேவையான அளவுக்கு தூரிகையின் முனையை பெரிதாக்கி கொள்ளலாம். இதனுடனே அழிக்கும் வசதியும் இருக்கிறது.

மேலே உள்ள கட்டத்தல் வண்ணங்கள் இருக்கின்றன. எந்த வண்ணம் தேவையோ அதனை தெரிவு செய்து கொள்ளலாம். மூன்றாவது கட்டம் வரைந்த சித்திரத்தை சேமித்து கொள்வது உட்பட வசதியை த‌ருகிறது.

சித்திரத்தை பேஸ்புக் அல்லது டிவிட்டரில் பகிர்ந்து கொள்ளும் வசதியும் இருக்கிறது. அத்துடன் இந்த முகவரியை நண்பர்களோடு பகிர்ந்து கொண்டு அவர்களையும் வரைய சொல்லலாம்.

கணணி, டேப்லெட், ஸ்மார்ட்போன் என எதில் வேண்டுமானாலும் இதனை பயன்படுத்தலாம். நண்பர்களோடு பகிர்ந்து கொள்ளும் வசதியும், அவர்களோடு சேர்ந்து வரையும் வசதியுமே இந்த தளத்தின் சிற‌ப்பம்சம்.

இணையதள முகவரி

கூகுள் பிளசை தமிழில் மாற்றுவதற்கு

இன்றைய உலகில் மிக வேகமாக வளர்ந்து வரும் சமூக இணையத்தளமான கூகுள் பிளஸ் தற்பொழுது 60 மொழிகளில் கிடைக்கின்றது.

குறிப்பாக தமிழ் மொழியில் கிடைக்கின்றது. இதனைப் பெறுவதற்கு கூகுள் பிளஸ் தளத்தை திறந்து Settings என்பதை கிளிக் செய்யவும்.

அடுத்து Languages என்பதை கிளிக் செய்யவும். பிறகு அங்கு உள்ள Languages கட்டத்தில் கிளிக் செய்து உங்களுக்கு விருப்பமான மொழியை தெரிவ செய்யவும்.

இதன் பிறகு உங்களின் கூகுள் பிளஸ் கணக்கை மூடி விட்டு மறுபடியும் திறந்தால் நீங்கள் தெரிவு செய்த மொழிக்கு உங்கள் கூகுள் பிளஸ் கணக்கு மாறி இருக்கும்.

தகவல்களை ஒழுங்கான முறையில் வகைப்படுத்துவதற்கு

Microsoft Office word-ல் தகவல்களை முறைப்படுத்தி தருவதற்கு பல்வேறு வடிவங்கள் உள்ளன. மேலும் இந்த தகவல்கள் அனைத்து ஒரு Table-ஆக அமையப் பெற்றால், இன்னும் தெளிவான முறையில் அனைவருக்கும் புரியும்.

பட்டியல் அமைக்கப்பட்ட பின்னர் அவற்றை அப்படியே Table-ஆக மாற்ற முடியும். இதற்கான எளிய வழிகளை Microsoft Office word கொண்டுள்ளது.

1. முதலில் மாற்ற வேண்டிய பட்டியலைத் தேர்ந்தெடுக்கவும்.

2. அடுத்து Insert டேப்பில் கிளிக் செய்திடவும்.

3. அடுத்து Tables group-ல் உள்ள Table ஆப்ஷனில் கிளிக் செய்திடவும்.

4. இங்கு கிடைக்கும் கீழ் விரி மெனுவில் Convert Text To Table என்பதனைத் தேர்ந்தெடுக்கவும்.

நீங்கள் வேர்ட் 2003 பயன்படுத்துபவராக இருந்தால்,

1. Table மெனு சென்று, அதில் Convert என்ற பிரிவில் கிளிக் செய்திடவும்.

2. பின்னர் கிடைக்கும் துணை மெனுவில் Text To Table என்பதில் கிளிக் செய்திடவும்.

3. அடுத்து ஓகே கிளிக் செய்திட, பட்டியலில் உள்ள தகவல்களுக்கு ஏற்றபடி  Table அமைக்கப்பட்டு கிடைக்கும்.

பெரும்பாலான நேரங்களில் நாம் எதிர்பார்த்த வகையில், Table-கள் இருக்காது. எனவே சில சிறிய மாற்றங்களை அகலத்தை அதிகப்படுத்துவது, உயரத்தைக் குறைப்பது போன்றவற்றை ஏற்படுத்தலாம். இதற்கு Table Menu-ல் கொடுக்கப்பட்டுள்ள Table Template-களைப் பெற்று நமக்குப் பிடித்தமான Table Format-ஐ தேர்ந்தெடுத்து அமைக்கலாம்.

Table வேண்டாம் என எந்த கணத்தில் முடிவு செய்தாலும், Table Menu சென்று Convert To Text தேர்ந்தெடுக்க Table மீண்டும் Text-ஆக அமைக்கப்படும்.

Inpaint: புகைப்படங்களில் தேவையில்லாததை நீக்குவதற்கு

அனைவருக்கும் தாங்கள் புகைப்படங்களில் அழகாக தோற்றமளிக்க வேண்டும் என்றே நினைப்பர். புகைப்படங்களை அழகாக்க அனைவரும் உபயோகப்படுத்தும் மென்பொருள் போட்டோஷாப் ஆகும்.

ஆனால் இந்த மென்பொருளை எவ்வாறு கையாள்வது என்பது பலருக்கும் தெரிந்திருக்க வாய்ப்பில்லை.

எனவே மிக எளிதாக புகைப்படங்களில் உள்ள வாட்டர்மார்க்குகளையும், தேவையற்ற படங்களையும் நீக்க Inpaint என்னும் அருமையான மென்பொருள் ஒன்று உள்ளது.

சுட்டியில் குறிப்பிட்ட தளத்திற்கு சென்று, உங்களுடைய தகவல்களை உள்ளிட்டு Absenden என்னும் பொத்தானை அழுத்தவும். அரைமணி நேரத்திற்குள் கடவுச்சொல்லுக்கான சுட்டி உங்கள் மின்னஞ்சலை வந்து சேரும்.

மின்னஞ்சலில் தரப்பட்டிருக்கும் லைசன்ஸ் கீயை குறித்து வைத்துக் கொள்ளவும். பின் Inpaint மென்பொருளை தரவிறக்கம் செய்து கணணியில் நிறுவிக் கொள்ளவும்.

அதன் பின் கணணியை ஒருமுறை மறுதொடக்கம் செய்து இந்த மென்பொருளை ஒப்பன் செய்யவும். பின் எந்த படத்தை மாற்றம் செய்ய வேண்டுமோ அதனை தெரிவு செய்து, குறிப்பிட்ட பகுதியினை மட்டும் தெரிவு செய்து அழிக்கவும்.

அந்த இடத்தில் எந்த வித மாற்றமும் இல்லாமல் முன் இருந்தபடியே அழகாக இருக்கும். இதே போன்று பல்வேறு மாற்றங்களை இந்த மென்பொருளின் துணையுடன் செய்ய முடியும்.

லைசன்ஸ் கீயைப் பெறுவதற்கான சுட்டி

மென்பொருளை தரவிறக்குவதற்கான சுட்டி

எக்ஸெலில் COMBIN பற்றி அறிந்துக்கொள்ள ஓர் புதிய வழி

கணணியில் நாம் அன்றாடம் பயன்படுத்தும் எக்ஸெல் தொகுப்பில் COMBIN என்று ஒரு செயல்பாடு உள்ளது. இதனைப் பலர் கவனத்தில் எடுத்துக் கொள்ளமாட்டோம்.

இதனை பயன்படுத்துவதற்கான தேவை நம்மில் அநேகருக்கு இருந்திருக்காது, அவ்வாறு தேவை ஏற்படும் போது நாம் தேடி அறிந்து கொள்ள இதனைப் பயன்படுத்தலாம்.

இந்த செயல்பாடு, ஒரு செட் எண்கள் அல்லது எழுத்துக்கள் அல்லது இரண்டையும் கலந்தவற்றைக் கொண்டு எத்தனை வகையாக இணைக்கலாம் என்பதனை உடனே காட்டும். எடுத்துக்காட்டாக 26 எழுத்துக்கள் ஆங்கிலத்தில் உள்ளன.

10 எண்கள் உள்ளன. (0 முதல் 9 வரை) இவற்றைப் பயன்படுத்தி நான்கு கேரக்டர்கள் உள்ள இணைப்புகள் எத்தனை உருவாக்க முடியும். நாம் பேப்பர் பேனா எடுத்துக் கொண்டால் இன்று மட்டுமல்ல ஒரு வாரத்திற்கு மேல் ஆகலாம். எக்ஸெல் கண் சிமிட்டும் நேரத்தில் சொல்லிவிடும். அதற்கு இந்த பங்சன் உதவுகிறது.

இந்த செயல்பாட்டை செயல்படுத்த பார்முலா பார்மட் கீழ்க்கண்டவாறு அமைகிறது =COMBIN (universe, sets). இதில் universe என்பது புதிதாக அமைக்கப்படுவதற்கான டேட்டா. இங்கே 26 எழுத்துக்களும் பத்து எண்களுமாகும்.

sets என்பது ஒவ்வொரு இணப்பிலும் எத்தனை கேரக்டர் இருக்க வேண்டும் என்பதனைக் குறிக்கிறது. எனவே நாம் மேலே சொன்ன டேட்டாவிற்கு பார்முலா கீழ்க்கண்டவாறு அமைகிறது : =COMBIN(26+10,4). இதில் 58,905 இணைப்பு கேரக்டர் களை உருவாக்கலாம்.

மின்னஞ்சல்களை மவுசை கொண்டு கட்டுப்படுத்தும் கூகுளின் புதிய முறை

1997 காலப்பகுதியில் அறிமுகமாகி மின்னஞ்சல் துறையில் கொடிகட்டிப்பறந்த யாகூ நிறுவனத்தை அதன் பின் தோன்றிய கூகுளின் ஜிமெயில் மின்னஞ்சல் சேவை பின்னுக்கு தள்ளியுள்ளது. இதற்கு மிக முக்கியமான காரணங்களாக, விரைவான சேவையும், 7.6GB வரையிலான சேமிப்பு வசதி வழங்குகின்றமையும் ஆகும்.

இவை தவிர பல்வேறு புதிய அம்சங்களையும் நாளுக்கு நாள் அறிமுகப்படுத்தி வருகின்றது. இதனடிப்படையில் இன்பொக்சில் காணப்படும் மின்னஞ்சல்களை மவுஸ் கொண்டு கட்டுப்படுத்தும் வசதியும் காணப்படுகின்றது. இதனை நடைமுறைப்படுத்துவதற்கு கீழ்வரும் படிமுறைகளை பின்பற்றுக

1. Mail Settings பகுதிக்கு செல்க.
2. தோன்றும் வின்டோவில் Labs என்பதை தெரிவு செய்க.
3.பின் அதில் காணப்படும் தேடுதலுக்கான பகுதியில் Mouse Gesture என தட்டச்சு செய்து தேடுக.
4.பின் Mouse Gesture என்பதை Enable செய்க.

இப்போது உங்கள் இன்பொக்சில் உள்ள ஒரு மின்னஞ்சலை  திறந்து பின் மற்ற மின்னஞ்சல்களுக்கு செல்வதற்கு கிளிக் செய்து மவு​ஸை வலது, இடது பக்கங்களிற்கு அசைப்பதன் மூலம் மின்னஞ்சல்களை கையாள முடியும்.

குழந்தையின் நடத்தைகளை கண்காணிக்க ஸ்மார்ட் பேபி மொனிட்டரை பயன்படுத்த​லாம்

குழந்தைகளை தனியாக வீட்டில் விட்டு போகவேண்டிய தருணங்களில் அவர்களின் செயற்பாடுகளை கண்காணிப்பதற்கு தற்போது ஸ்மார்ட் ஸ்மார்ட் பேபி மொனிட்டர் என்னும் உபகரணத்தை அப்பிள் நிறுவனம் அறிமுகப்படுத்தியுள்ளது.

இந்த ஸ்மார்ட் பேபி மொனிட்டர்கள் திரை, கண்காணிப்புக் கமெரா என்ற இரண்டு பகுதிகளை கொண்டுள்ளது. இதன் கமெராவானது 3 மெகா பிக்ஸல்களை கொண்டுள்ளதுடன், 4X zoom வசதியையும் கொண்டுள்ளது. பரந்த பரப்பை கண்காணிக்கக்கூடிய இந்த கமெராவானது infrared LED தொழில்நுட்பத்தில் தானாகவே இயங்கும் தன்மையை கொண்டுள்ளதாக உருவாக்கப்பட்டுள்ளது.

இவை குழந்தைகள் அழுதல், வெப்பநிலை மாற்றத்தால் அவதிப்படுதல் போன்ற சந்தர்ப்பங்களை அவற்றிலுள்ள சென்சார்களின் மூலம் உணர்ந்து தெரிவிக்க வல்லன. அத்துடன் இந்த கருவியை இணையத்தினூடாகவும், Wi-Fi, Bluetooth மூலமாகவும் இணைத்து பயன்படுத்தமுடியும். இதன் பெறுமதி 299 அமெரிக்க டொலர்கள் ஆகும்.

VLC Media Player-ன் புதிய பதிப்பு வெளியீடு

வீடியோ கோப்புகளை இயக்குவதற்குத் துணை புரியும் இலவச புரோகிராம்களில் அனைவரின் விருப்பத்திற்கும் ஏற்றது VLC Media Player ஆகும்.

வீடியோ லேன் ப்ராஜக்ட் நிறுவனத்தின் மிகப் பிரபலமான இந்த புரோகிராமின் புதிய பதிப்பு தற்போது வெளியாகியுள்ளது.

இதில் அதிகமான எண்ணிக்கையில் புதிய வசதிகள் தரப்பட்டுள்ளன. பல பிரச்னைக்குரிய தவறுகள் திருத்தப்பட்டுள்ளன என்று இதனை வெளியிட்ட நிறுவனம் அறிவித்துள்ளது.

மற்ற வீடியோ பிளேயர் புரோகிராம்களுடன் ஒப்பிடுகையில், எந்த போர்மட்டில் உள்ள வீடியோ கோப்பையும் இயக்கும் திறன் கொண்டது வி.எல்.சி. பிளேயர்.

இந்த புதிய பதிப்பு முதலில் Twoflower என்ற குறியீட்டுப் பெயருடன் உருவாக்கப்பட்டது. தற்போது VLC 2.0 என்ற பெயருடன் வெளியாகியுள்ளது. இதில் தரப்பட்டுள்ள புதிய வசதிகள் கீழே குறிக்கப்பட்டுள்ளன.

1. புதிய மல்ட்டி கோர் சிப்களின் வேகத்திறனை அறிந்து செயல்படுகிறது. அதே போல புதிய வன்பொருள் சாதனங்களையும் புரிந்து இயங்குகிறது

2. கூடுதலாக சில போர்மட்களையும் இயக்குகிறது. குறிப்பாக தொழில் ரீதியாகத் தயாரிக்கப்படும் HD மற்றும் 10bits codecs போர்மட்களைக் கையாள்கிறது.

3. வீடியோவிற்கென புதிய வழி தரப்படுகிறது. சப் டைட்டில் நல்ல தன்மையுடன் கிடைக்கிறது.

4. புளு ரே டிஸ்க் சப்போர்ட் சோதனை முறையில் கிடைக்கிறது.

5. மேக் கணணி மற்றும் வெப் இன்டர்பேஸ்கள் திறம்பட கையாளப்படுகின்றன.

6. விண்டோஸ் பதிப்பில் தரப்படும் இடை முகத்தில்(InterFace) பல புதிய மாற்றங்கள் உள்ளன. மேக் கணணிக்கான இடைமுகம் முற்றிலும் புதிய முறையில் மாற்றப்பட்டுள்ளது.

தரவிறக்க சுட்டி

ஞாபகமூட்டலு​க்கு தடையாக இருக்கும் றிங்கிங் டோன்கள்

நாம் செல்போன்களை பயன்படுத்தும் போது வரும் அழைப்புக்களை அறிந்து கொள்வதற்காக றிங்கிங் டோன்களை பயன்படுத்துவோம்.

இந்த றிங்கிங் டோன்கள் மனிதனின் ஞாபகமூட்டல் அல்லது நினைவாற்றலை திசைதிருப்பக்கூடியன என்று ஆய்வின் மூலம் தெரியவந்துள்ளது.

சென் லூசியசிலுள்ள வாசிங்ரன் பல்கலைக்கழத்தால் மேற்கொள்ளப்பட்ட ஆய்வறிக்கையிலேயே இந்த அதிர்ச்சித் தகவல் வெளியிடப்பட்டுள்ளது. ஏறத்தாழ 30 செக்கன்களுக்கு மேலாக தொடர்ந்து இசைக்கும் றிங்கிங் டோன்கள் மிகவும் சத்தமாக காணப்படுவதனால் அந்த சூழலிலுள்ள அனைவரினதும் கவனங்கள் திசை திருப்பப்படுவதனாலேயே அவர்களின் நினைவாற்றலை பாதிப்பதாகவும், இதன்போது அண்ணளவாக 25 வீதமான நினைவாற்றல் இழக்கப்படுவதாகவும் தெரிவிக்கப்பட்டுள்ளது.

இதுபற்றி கருத்து தெரிவித்த குறித்த பல்கலைக்கழக மாணவரான ஜில் செல்ரன் கூறுகையில், றிங்கிங் டோன்கள் மட்டுமல்ல பொது இடங்களில் ஏற்படுத்தப்படும் ஏனைய சத்தங்களினாலும் இவ்வாறான பாதிப்பு ஏற்படுவதாக குறித்த ஆய்வின் மூலம் அறியப்பட்டுள்ளதாக தெரிவித்துள்ளார்.

எனவே செல்போன்களை Silent நிலையில் பாவிப்பது ஆரோக்கியமானது என மேற்படி பல்கலைக்கழகம் தெரிவித்துள்ளது.

புதிய ஐபேட்3 அறிமுகம் (வீடியோ இணைப்பு)

புதிய ஐபேட்3யை ஆப்பிள் நிறுவனத்தின் தலைவர் டிக் கும் அறிமுகப்படுத்தினார். இந்த ஐபேட் உயர் வரையறை தொலைக்காட்சியை விட நான்கு மடங்கு வேகமாகவும், 3D திறனும் கொண்டதாகும்.

இதன் மூலமாக ஐபேடில்  3D விளையாட்டுக்களை விளையாடலாம். இதில் படங்களை மிகத்தெளிவாகவும், துல்லியமாகவும் பார்க்க முடியும்.

ஆப்பிள் ஐபேட்-3 ன் சிறப்பு அம்சங்கள்:

1. 5 மெகா பிக்சல் கமெரா.

2. 2084x1536 ரெசொல்யூஷன்.

3. ரெட்டினா டிஸ்ப்ளே கொண்ட திரை.

4. 40 இன்ச் தொலைக்காட்சியைவிட துல்லியமான திரை.

5. 3D விளயாட்டுக்கள்.

6. 4G மொபைல் நெட்வொர்க்குகள்.

7. 16ஜிபி நினைவகம்.

8. இணையத்திற்கு மட்டுமேயான பிரத்யேக Wifi வசதியை கொண்டுள்ளது.

இந்த ஐபேட் எதிர்வரும் மார்ச் மாதம் 16ம் திகதி முதல் அமெரிக்கா, ஜேர்மனி, பிரான்ஸ், பிரிட்டன் மற்றும் கனடா ஆகிய நாடுகளில் விற்பனைக்கு வரும்.

கடந்த வருடம் அறிமுகம் செய்யப்பட்ட ஐபேட் 2-யின் அதே விலையில் ஐபேட்- 3யும் கிடைக்கும் என கூறப்படுகிறது.

கடந்த ஆண்டில் ஆப்பிள் நிறுவனம் 9.25 மில்லியன் ஐபேட்களை விற்பனை செய்துள்ளது குறிப்பிடத்தக்கது.

பழங்களை கண்டறியும் ஸ்கானர்

பொதுவாக விற்பனை நிலையங்களில் உள்ள பொருட்களின் விலையை அல்லது பெறுமதியை விரைவாக அறிந்து கொள்ள பார்கோட் ஸ்கானர்கள் பயன்படுத்தப்படும்.

இவை பொருட்களில் உள்ள பார்கோட் இலக்கங்களை அறிந்து அதிலுள்ள விலை உட்பட்ட விபரங்களை தெரியப்படுத்தும்.

ஆனால் தற்போது தோசிபா நிறுவனம் ஆனது பார்கோட்களை பயன்படுத்தாது பழங்களை நேரடியாகவே ஸ்கான் செய்து அவற்றின் விபரங்களை அறியும் வகையில் புதிய ஸ்கானர் ஒன்றை உருவாக்கியுள்ளது.

இந்த ஸ்கானரானது பழத்தின் பருமன், வடிவம், நிறம் போன்றவற்றை கணணியில் சேமிக்கப்பட்டிருக்கும் தரவுத்தளத்துடன்(Database) பரிசீலனை செய்வதன் மூலம் சிறப்பாக செயற்படுகின்றது.

Default Browser-ஐ மாற்றம் செய்வதற்கு

விண்டோஸ் இயங்குதளத்துடன் இணைந்தே இன்டர்நெட் எக்ஸ்புளோரரும் தரப்படுகிறது. அது டிபால்ட் உலாவியாகப்(Default Browser) பதியப்படுகிறது. ஆனால் அதைத் தான் நாம் பயன்படுத்த வேண்டும் என்பதில்லை.

வேறு விதமான உலாவியையும் தரவிறக்கம் செய்து அதனையே மாறாத உலாவியாக செட் செய்யலாம். இவ்வகையில் பயர்பொக்ஸ், ஆப்பரா, நெட்ஸ்கேப் ஆகியவை நமக்குக் கிடைக்கின்றன.

இவை தவிர இன்னும் பல உலாவிகளும் உள்ளன. இவற்றை தரவிறக்கம் செய்து கணணியில் நிறுவிக் கொள்ளுங்கள். அதன் பின் டிபால்ட் உலாவியாக செட் செய்வதற்கு பயர்பொக்ஸ் உலாவியில் Tools/Options சென்று General என்பதன் கீழ் Default Browser என்று உள்ள இடத்திற்கு எதிராக உள்ள பாக்ஸில் டிக் அடையாளம் ஏற்படுத்தவும்.

நெட்ஸ்கேப் எனில் என்.எஸ். நேவிகேட்டரில் Edit / Preferences தேர்ந்தெடுத்து மேலாக வலது மூலையில் உள்ள “Set Default Browser” என்பதில் கிளிக் செய்திடவும்.

ஆப்பராவில் Tools / Preferences சென்று “Advanced” டேப் செலக்ட் செய்திடவும். இதில் “Programs” என்பதன் கீழ் “Check if Opera is default browser on startup” என்று உள்ள இடத்தில் டிக் அடையாளம் ஏற்படுத்தவும். பின் ஓகே கிளிக் செய்திடவும்.

வேறு உலாவியை டிபால்ட் உலாவியாக செட் செய்து பயன்படுத்திய பின்னர் வேறு சில காரணங்களுக்காக இன்டர்நெட் எக்ஸ்புளோரரை மீண்டும் டிபால்ட் உலாவியாக அமைத்திட விரும்பினால், இன்டர்நெட் எக்ஸ்புளோரரைத் திறந்து, அதில் Tools / Internet Options / Programs என்று செல்லவும்.

பின் “Reset Web Settings” என்ற பட்டனில் கிளிக் செய்திடவும். பின் “Internet Explorer should check” என்பதில் கிளிக் செய்திடவும்.

யாஹூ மின்னஞ்சலுக்கான Shortcut Keys

கணணி உபயோகிக்கும் அனைவரும் தங்கள் செய்யும் செயலை விரைவாக முடிக்க தங்களுக்கு தெரிந்த எளிய Shortcutகளை பயன்படுத்துவர்.

அந்த வகையில் நீங்கள் உங்கள் மின்னஞ்சல் கணக்குக்கும் சில எளிய Shortcut களை பயன்படுத்த முடியும். யாஹூ மின்னஞ்சலுக்கான Shortcut கீழே தரப்பட்டுள்ளன.

Ctrl+Enter: மெயில் அனுப்ப.

N: புதிய மெயில் Compose செய்ய.

R: பதில் அனுப்ப.

A: அனைவருக்கும் பதில் மின்னஞ்சலை அனுப்ப.

L: மின்னஞ்சலை Forward செய்ய.

K: மின்னஞ்சலை படித்த மின்னஞ்சல் என்று மாற்ற.

Ctrl+S: Draft-ல் சேவ் செய்ய.

S: மின்னஞ்சல்களை தேட.

Chat for Google: நண்பர்களுடன் அரட்டை அடிப்பதற்கு

இணையத்தில் பெரும்பாலான நபர்கள் உபயோகிப்பது ஜிமெயில் தான். அதே போன்று கூகுள் பிளஸ் தளமும் மிக வேகமாக வளர்ந்து வருகின்றது.

இவை இரண்டிலும் உள்ள ஒரு பொதுவான வசதி நண்பர்களுடன் அரட்டை அடிக்கும் chat வசதியாகும். இதுவரை இந்த தளங்களுக்கு சென்று தான் அதில் ஓன்லைனில் உள்ள நண்பர்களிடம் சாட் செய்து வந்தோம்.

இனி நீங்கள் சாட் செய்ய அந்தந்த தளங்களுக்கு செல்ல வேண்டியதில்லை. அந்த தளங்களை திறக்காமலே ஜிமெயில் மற்றும் கூகுள்+ நண்பர்களுடன் சாட் செய்யலாம்.

குரோம் பயனாளர்கள் மட்டுமே இந்த வசதியை பெற முடியும்.

முதலில் கீழே உள்ள லிங்கில் க்ளிக் செய்து Chat for Google என்ற நீட்சியை நீட்சியை தரவிறக்கம் செய்து உங்கள் உலவியில் நிறுவிக் கொள்ளுங்கள்.

நீட்சி உங்கள் உலவியில் இணைந்தவுடன் குரோம் பார் அல்லது system tray பகுதியில் உள்ள ஐகானை க்ளிக் செய்யவும்.

நீங்கள் ஏற்கனவே ஏதேனும் கூகுள் கணக்கில் நுழைந்து இருந்தால் அந்த கணக்கில் உள்ள நண்பர்களை காட்டும். இல்லை எனில் கூகுள் கணக்கில் நுழைய Sign In வசதியை காட்டும்.

அதில் நுழைந்து உங்கள் விருப்பமானவர்களுடன் அரட்டை அடித்து மகிழலாம்.

தரவிறக்க சுட்டி

ஜிமெயில் மின்னஞ்சலுக்கான Shortcut Keys

இணையத்தில் இன்று பெரும்பாலான நபர்கள் பயன்படுத்துவது ஜிமெயில் ஆகும். இதில் நீங்கள் Shortcut Keys-ஐ பயன்படுத்தலாம்.

இதற்கு முதலில் நீங்கள் ஜிமெயில் கணக்கில் நுழைந்து கொள்ளுங்கள். அதன் பின் Settings என்பதை கிளிக் செய்து கொள்ளவும். அந்த விண்டோவில் Keyboard Shortcuts On என்பதை கிளிக் செய்து, Save என்பதை கிளிக் செய்யவும்.

c: புதிய மின்னஞ்சலை உருவாக்க.

/: தேட.

n: அடுத்த மின்னஞ்சலை திறக்க உதவும். தெரிவு செய்யப்பட உடன் Enter கொடுக்கவும்.

p: முந்தைய மின்னஞ்சலை திறக்க உதவும். தெரிவு செய்யப்பட உடன் Enter கொடுக்கவும்.

s: ஒரு மின்னஞ்சலுக்கு ஸ்டார் குறி கொடுக்க.

!: குறிப்பட்ட மின்னஞ்சலை ஸ்பாம் என்று மாற்ற. (இது கொடுத்த பின் குறிப்பட்ட மின்னஞ்சல் உங்கள் இன்பாக்ஸ்க்கு வராமல் நேரடியாக ஸ்பாம் ஆகிவிடும்).

r: குறிப்பிட்ட ஒருவருக்கு பதில் அளிக்க.

a: எல்லோருக்கும் பதில் அளிக்க.

f: மின்னஞ்சலை Forward செய்ய.

+ s: இல் தற்போதும் எழுதும் மின்னஞ்சலை Save செய்ய.

#: குறிப்பிட்ட மின்னஞ்சல் ஒன்றை நீக்குவதற்கு.

+ i: ஏற்கனவே படித்த மின்னஞ்சல் என்று மாற்ற.

+ u: இன்னும் இந்த மின்னஞ்சல் படிக்கப்படவில்லை என்று மாற்ற.

z: முந்திய இருந்த நிலைக்கு செல்ல.

அனிமேஷன் வடிவில் ஸ்கிறீன் சேவர்கள்

நீங்கள் வசிக்கும் இடத்தில் நிலவும் காலநிலைக்கு ஏற்றவாறு டெஸ்க்டொப் ஸ்கிறீன் சேவரும் அனிமேஷன் வடிவில் தெரியச் செய்யலாம்.

இதற்கு யூவிண்டோ என்ற தளம் உதவி புரிகிறது. இந்த தளத்தை ஓபன் செய்தவுடன் Download என்ற பட்டனை சொடுக்கி தரவிறக்கி கொள்ளலாம்.

இணையதள முகவரி

பேஸ்புக் சாட் பட்டியலில் ஓன்லைனில் இருப்பவர்களை மட்டும் காட்டுவதற்கு

உலகளவில் 800 மில்லியன் பாவனையாளர்களை தன்னகத்தே கொண்டு பிரபல சமூக வலைத்தளமாக பேஸ்புக் திகழ்கிறது.

இதில் உள்ள மிக முக்கியமான வசதிகளுள் ஒன்று பேஸ்புக் சாட்(Facebook Chat) வசதியாகும். இது நண்பர்களுடன் சாட் செய்ய உதவுகிறது. இதில் உள்ள ஒரு குறை, சாட் பட்டியலில் ஓன்லைனில் இருப்பவர்கள் மட்டுமின்றி ஓப்லைனில் இருப்பவர்களையும் காட்டும்.

குரோம் உலாவியை உபயோகிப்பவர்கள் சுலபமாக இந்த பிரச்சினையை தீர்த்து விடலாம். முதலில் இந்த உலாவியை குரோமில் நிறுவிக் கொள்ளவும்.

அதன் பின் உங்களது பேஸ்புக்கை ஓபன் செய்து பார்த்தால் மாற்றங்கள் ஏற்பட்டிருப்பது உங்களுக்கே தெரியும்.

தரவிறக்க சுட்டி